Фудбалскиот сојуз на Србија официјално потврди дека нов селектор на националниот тим е Вељко Пауновиќ, кој ќе го наследи Драган Стојковиќ. Стојковиќ ја извршуваше функцијата од 2021 година, но ја напушти во октомври 2025 година по поразот од Албанија во Лесковац.
Генералниот секретар на ФСС, Бранко Радујко, истакна дека Пауновиќ со голема мотивација и посветеност ја прифатил понудата да ја преземе репрезентацијата во клучен момент за квалификациите.
„Фудбалскиот сојуз на Србија донесе одлука Вељко Пауновиќ ќе ја води нашата селекција во борбата за место на Светското првенство 2026! Сè уште имаме шанси за пласман, а Пауновиќ и неговиот стручен штаб ќе ги предводат „орлите“ на претстојните дуели со Англија и Летонија“, стои во соопштението на ФСС.
