Раководството на Пари Сен Жермен и Килијан Мбапе преговараат за нов, краткорочен договор, објавија француските медиуми.
Мбапе е јасен во намерите – не сака долги години да биде врзан за Пари Сен Жермен.
Иако беше извесно дека Мбапе ќе потпише преддоговор со Реал Мадрид по дуелот меѓу „светците“ и „кралскиот клуб“ во Лигата на шампионите, можно е тоа да не се случи доколку ПСЖ го убеди Килијан да остане на „Паркот на принцовите“ уште најмалку две сезони.
Во сето тоа клучна улога би можел да има Зинедин Зидан, кој се најавува како нов стратег на ПСЖ, а и самиот Мбапе во неколку наврати изрази голема почит кон поранешниот француски волшебник со топката.
Така, плановите на Реал Мадрид, кои практично веќе го гледаа во бел дрес, целосно би биле уништени, а за сето тоа би можеле да му „заблагодарат“ на својот поранешен играч и тренер.
