Францускиот интернационалец Пол Погба побара нов договор од Манчестер јунајтед според кој ќе добива 500.000 фунти неделно, откриваат медиумите на Островот. Договорот на Погба со англискиот клуб ќе истече во јуни 2022 година. Доколку Јунајтед не се согласи со условите предложени од агентот на фудбалерот Мино Рајола, тие ќе ризикуваат да го загубат францускиот репрезентативец без никакво обештетување на крајот на следната сезона.
Погба бара основна плата од 500.000 фунти неделно, како и голем дел од неговите права за имиџ. Вкупно, станува збор за износ близу 800.000 фунти на секои седум дена. Тоа е веројатно и преголем товар за Манчестер Јунајтед во услови на глобална економска криза.
Интерес за Погба покажуваат ПСЖ и Јувентус, а би можел за заврши во Торино и преку размена со Пауло Дибала.
