Победа, Борец и Вардарски успешно ги минаа баражите и ќе играат во Втората лига

Победа Прилеп останува второлигаш, а во оваа конкуренција се враќаат и Борец и Вардарски. Овие три екипи излегоа како победници во денешните баражи за пополнување на Втората лига.

Победа Прилеп на стадионот во Ѓорче Петров го победи Куманово со 2-1. Составот на Јане Николоски на крајот успеа да ја исполни мисијата и останува во втората по ранг конкуренција на македонскиот фудбал. Дебрешлиоски и Шаркоски донесоа водство од 2-0 за Победа, а конечниот резултат го постави Дарио Десниќ.

Борец на стадионот „Петар Милошевски“ во Битола славеше против Велазерими со 3-2. Беше тоа возбудлив натпревар со многу голоби, а тимот од Кичево во финишот пропушти две одлични шанси за израмнување.

Богданци се враќа на второлигашката мапа, откако Вардарски на стадионот „Борис Трајковски“ во Маџари го победи Кораб со 3-2. Адам Стојанов беше двоен стрелец за Вардарски, а погоди и Славе Танов.