Поранешниот претседател на УЕФА, Мишел Платини, смета дека Светската фудбалска организација нема намера да се грижи за развој на светскиот фудбал туку размислува само како да создаде поголем профит од него. Токму затоа Инфантино размислува за мундијал во 48 репрезентации или пак мундијал кој ќе се одржува на секои две години.
„На чело на институцијата имате луѓе кои размислуваат само за водење бизнис. Погледнете што направи Инфантино откако пристигна. Зошто Светското првенство би имало 48 селекции? Тоа се повеќе натпревари, повеќе пари”, обвинува Мишел Платини.
