Андреа Пирло го прослави својот роденден освојувајќи го трофејот во италијанскиот Куп. Тренерот се најде на удар на многу критичари, но во својата дебитантска сезона ги освои Купот на Италија и италијанскиот Суперкуп, додека сè уште е трка за пласман помеѓу најдобрите четири во Серија А.
“Беше извонреден натпревар меѓу две одлични екипи кои се бореа од почеток до крај. Среќни сме што можевме да им пружиме прекрасна вечер на навивачите”, изјави Пирло. “Сакавме да победиме, да го освоиме овој трофеј, и покрај тоа што оваа сезона не е многу позитивна. Се вративме и сфативме која е нашата цел. Победивме одлични тимови во полуфиналето и финалето, па поради тоа можам да кажам дека Јувентус го заслужи овој трофеј.
„Секако дека би сакал да останам тренер на Јувентус. Го сакам фудбалот уште од дете и ќе го сакам и понатаму. Клубот ќе одлучи, но јас обожувам да бидам тренер, го сакам овој клуб и ќе видиме што ќе се одлучи. Би сакал да продолжам на оваа функција.”
