Фудбалерот на Рома, Пауло Дибала (29), одлучи да го тужи својот поранешен клуб Јувентус за повеќе од 50 милиони евра, колку што е разликата во договорот што го договори пред торинскиот клуб да одлучи да се повлече и договорот што го потпиша со Рома во лето минатата година.
Пауло Дибала наводно ќе го тужи Јувентус за повеќе од 50 милиони евра. Аргентинецот ќе бара да му се исплати разликата меѓу договорената цифра за нов договор во 2021 година, која на крајот не ја потпиша и догoворот што го доби во Рома.
„Кориере дела сера“ пренесува дека Дибала преку својот адвокат Лука Ферари покренал постапка во која бара исплата на договорените средства, иако ништо не е потпишано.
Тој смета дека договорот меѓу двете страни за петгодишeн договор вреден 9,2 милиони евра по сезона е нешто што треба да го почитуваат, а покрај оваа цифра бара и три милиони евра кои клубот беше обврзан да го плати за време на финансиските маневри поради кои на торинскиот клуб му беа одземени 15 бода.
„Јувентус ми должи над три милиони евра за плати од 2021 година. Рокот за исплата е до април, а доколку тоа не се случи, адвокатите ќе мора да ги тужат, иако цело време се обидував да го избегнам тоа “, изјави Дибала.
„Мислам дека ќе бидат гонети од две страни. Првата тужба ќе се однесува на неисполнување на договорената соработка, а втората на обврските од договорот што тој го потпиша“, изјави адвокатот Лука Ферари.
Јувентус се откажа од продолжување на соработката со Дибала откако го купи Душан Влаховиќ. Тие решија да го пуштат Аргентинецот во Рома бесплатно, а тој се договори со Рома за многу помала цифра од непотпишаниот договор со „старата дама“.
Тој сака да ја наплати разликата меѓу договорите и ќе започне постапка против тимот во кој настапуваше од 2015 до 2022 година.
Сепак, тешко дека ќе може да дојде до 50 милиони евра, но заработените нешто повеќе од три милиони во одреден момент ќе треба да му бидат исплатени, бидејќи се пишува во договорот.
Дибала одигра 293 натпревари за Јувентус и постигна 115 голови.
Оваа сезона во дресот на Рома, Аргентинецот игра одлично. Тој веднаш стана лидер на тимот, игра доста добро и има учинок од 13 гола и осум асистенции на 29 настапи.
