Играчот од средниот ред на ПСЖ, Леандро Паредес, најави дека ќе остане во клубот. Договорот на играчот од средниот ред со францускиот шампион истекува во јуни 2023 година, а тој не сака да замине пред неговиот истек.
„Останувам во Пари Сен Жермен ова лето. Сега не е време да го напуштам клубот и да се приклучам на Бока Јуниорс“, изјави Паредес за Радио Ла Ред во Аргентина.
Вчера својата намера да остане на „Паркот на принцовите“ ја објави и сонародникот на Паредес, напаѓачот Мауро Икарди.
Од друга страна, раководството на ПСЖ бара начин како да се ослободи од дел од фудбалерите кои се под договор со клубот.
