Осимен утре оди на операција

Нигерискиот интернационалец Виктор Осимен вечерва се врати во Неапол, а утре ќе замине на операција на која треба да се санираат повредите што ги доби на дербито против Интер. По еден воздушен дуел тој остана да лежи на тревникот, а потоа и мораше да ја напушти играта со видливи повреди.

Лекарските прегледи веднаш покажаа дека се работи за неколку скршеници на лицето, а тој беше згрижен во клиника во Милано.

Наполи објави дека во текот на утрешниот ден Осимен ќе биде опериран од проф. Џанпаоло Тартаро, а ќе му асистира и клупскиот доктор Рафаеле Канонико.