Осимен тешко настрада во Милано: Има повеќе скршеници на коските на лицето

Нигерискиот интернационалец Виктор Осимен доби сериозни повреди на лицето на дербито против Интер (3-2) на „Џузепе Меаца“. Тој по еден воздушен дуел доби силен удар во лицето и мораше да биде заменет.

Лекарските прегледи покажаа дека Осимен има повеќе скршеници на коските на лицето и синоќа беше задржан во клиниката „Нигуарда“ во Милано. Напаѓачот во следните неколку дена ќе биде опериран, а потоа и ќе мине одреден период надвор од фудбалските терени поради неопходната рехабилитација.