Вардар ја победи Македонија ЃП со 1-0 на Арената „Тодор Проески“ и во моментов се искачи на првото место на табелата во Првата лига со 13 бода по пет одиграни натпревари. „Црвено-црните“ славеа со голот на напаѓачот Азер Омерагиќ кој во 52.минута го искористи големиот кикс во одбраната на Македонија ЃП и ја затресе нивната мрежа.
Пецов сакаше да ја врати топката со глава до голманот Ристе Јанков, но на крајот ја испушти, а таа падна на ногата на Азер Омерагиќ кој се снајде одлично и успеа да постигне погодок. Тоа беше подарок кој едноставно не смееше да се пропушти.
На Арената се одигра цврст дуел, без премногу шанси, а Македонија ЃП по примениот гол не успеа да возврати.
Во наредното коло Вардар ќе патува на гостување кај новиот прволигаш Арсими, а Македонија Ѓорче Петров ќе биде домаќин на Брера.
