Претседателот на Фудбалската федерација на Македонија, Масар Омерагиќ, во новогодишно интервју одговараше на прашања од македонските медиуми, со цел да ја информира јавноста за своите идеи, визии и планови за унапредување на состојбите во македонскиот фудбал.
Омерагиќ ги сподели своите размислувања за состојбата на клупскиот и репрезентативниот фудбал, функционирањето на судиската комисија, имплементацијата на ВАР-технологијата, обезбедувањето на спонзорства и инвестиции, како и за поддршката од државните институции и локалната самоуправа за подобрување на спортската инфраструктура.
Исто така, тој ја нагласи важноста на враќањето на фудбалските великани во „Куќата на фудбалот“ и изрази желба конечно да се воведе ред во младинските национални селекции, со цел подобрување на нивото на игра и идниот развој на македонскиот фудбал.
Тој е оптимист и се надева дека Македонија би можела да биде дел и од Светско првенство, иако таква еуфорија не треба да создаваме уште пред почетокот на мундијалските квалификации.
