Чаби Алонсо очигледно не може да се справи со притисокот што го носи Реал Мадрид и полека ја губи контролата над соблекувалната. „Кралевите“ имаа пет бода предност во однос на Барселона, но ја испуштија и сега се во негатива од четири бода од најголемиот ривал.
Ова секако го зголемува притисокот кон Чаби Алонсо и раководството на клубот да направи одредени промени.
Погледите се насочени кон Зинедин Зидан. Тој е подготвен да се врати веднаш на клупата на Реал Мадрид, да ја добие и контролата да одлучува за идните засилувања, а за возврат „кралскиот клуб“ би му дозволил да биде и селектор на Франција, да ја оствари својата дамнешна желба, откако Дидие Дешамп ќе се повлече од функцијата. Ова значи дека Зидан во иднина би можел да биде и тренер на Реал Мадрид и селектор на Франција во ист момент.
