Нови два гола на Чурлинов – лидер на листата на стрелците во јуниорската лига

Младинскиот репрезентативец на Македонија, Дарко Чурлинов запиша нови два гола во дресот на Келн во западната „А“ јуниорска лига на Германија.

Келн убедливо триумфираше против Падерборн со 4-0 во 17. коло од лигата, а Чурлинов беше стрелец во 32. и во 63. минута за својот тим.

Со новите два погодоци Чурлинов стигна до вкупно 13 гола сезонава, сега издвојувајќи се на врвот од листата на најдобрите стрелци во јуниорска конкуренција заедно со Омер Узун од Бохум.