Интер е во финалето на Лигата на шампионите. После неверојатна битка и невиден спектакл, вкупно 13 гола, успеа да ја елиминира Барселона славејќи со 4-3 по продолженија на „Џузепе Меаца“, или вкупни 7-6 заедно со првиот меч во Шпанија.
Давиде Фратези, џокерот на Симоне Инзаги, го постигна победничкиот гол за Интер во 99.минута, откако во последните мигови од регуларниот дел Франческо Ачерби го извлече италијанскиот тим од амбисот.
На голот фантастичен беше Јан Сомер, а во првото полувреме голови за Интер постигнаа Лаутаро Мартинез во 21.минута и Хакан Чалханоглу од пенал во 45.минута.
Барселона се врати брзо, со головите на Ерик Гарсија и на Дани Олмо, а потоа и направи пресврт по погодокот на Рафиња во 87.минута. Само неколку мигови ја делеа од финале, но Ачерби спаси, а потоа Фратези ја реши Барселона.
