Нејмар го очекува долга пауза

Пари Сен Жермен оствари победа (1-3) на гости против Сент Етјен, но сенка на триумфот фрли тешката повреда на Нејмар. Бразилецот сериозно го повреди скочниот зглоб и според првите информации ќе има долга пауза.

Француските медиуми тврдат дека Нејмар ќе отсуствува од терените шест недели. Очигледно ќе ги пропушти натпреварите со Ница, Монако, Брест, Ленс, Лориен, Лион, но и мечот од Лигата на шампионите против Клуб Бриж.

Нејмар заврши со лонгета на ногата и ќе мора на подолг принуден одмор.