Лајпциг доживеа убедлив пораз (1-4) од Борусија Дортмунд во финалето на Купот на Германија. Тоа беше и последната шанса за младиот стратег Џулијан Нагелсман да освои трофеј во овој клуб. Тој од следната сезона ќе го преземе кормилото на Баерн Минхен и ќе има многу поголеми изгледи да освојува пехари.
„Честитки за Борусија Дортмунд, беа подобар противник. Ние можеби премногу лесно дозволивме пехарот да ни се лизне од рацете. Жалам за шансата да освојам трофеј на разделбата со Лајпциг“, изјави Нагелсман.
Лајпциг обезбеди место во Лигата на шампионите за следната сезона.
