Мурињо ги надмудри Шева и Пандев: Рома славеше против Џенова (ВИДЕО)

Рома оствари победа (0-2) на гости против Џенова и го расипа дебито на Андриј Шевченко на клупата на домашниот тим. Горан Пандев беше во стартниот состав на Џенова и играше до 63.минута, кога на негово место влезе Хернани.

Жозе Мурињо го направи потегот на мечот кога одлучи да го внесе во игра младиот напаѓач Феликс Афена – Џан. Тој во 82.минута го постигна водечкиот погодок за „волчицата“, а во судиското продолжение стрелаше уште еднаш и го потврди триумфот.

Рома по оваа победа се наоѓа на петтото место на табелата со 22 бода, десет помалку од Наполи и Милан кои се на врвот.