По турбулентен период во кариерата, Пол Погба конечно доби нова шанса. Францускиот фудбалски интернационалец е нов член на Монако, клуб што верува во неговата повторна фудбалска преродба. Погба пристигнува како слободен агент и потпиша договор до 30 јуни 2027 година.
По прекинот на соработката со Јувентус минатиот ноември, кој следеше по позитивниот допинг тест и суспензија, 32-годишниот играч беше на крстопат. Првичната четиригодишна казна му беше намалена на 18 месеци, што му даде надеж дека повторно ќе се врати на врвот.
Монако, клуб што во последната сезона го освои третото место во Лига 1 и избори учество во Лигата на шампионите, гледа во Погба не само како на засилување, туку како на лидер на проект со високи цели.
„Среќни сме што го претставуваме Пол Погба во нашиот клуб. Веруваме во неговиот квалитет, искуство и глад за фудбал“, стои во соопштението на клубот.
