Лука Модриќ сѐ уште нема потпишано нов договор со Реал Мадрид. Капитенот на хрватската репрезентација има договор до крајот на сезоната, а Реал доцни со понудата за нов договор.
Сѐ почесто се шпекулира дека Модриќ ќе го напушти Реал на крајот на сезоната, а шпанските медиуми пишуваат дека една од опциите е заминување во Јувентус.
Торинскиот клуб би можел да го смени тренерот на крајот од сезоната, а Зинедин Зидан, поранешниот тренер на Реал Мадрид, треба да го замени Масимилијано Алегри.
Зидан го предводеше Модриќ во Реал од почетокот на 2016 година до крајот на сезоната 2017/18 и повторно од март 2019 година до крајот на сезоната 2020/21.
Шпанците наведуваат и дека 37-годишниот Модриќ е во одлични односи со Зидан, па опцијата за заминување во Јувентус е повеќе од реална.
