Хрватскиот интернационалец Лука Модриќ ќе остане во Реал Мадрид и наредната сезона. Тој ќе потпише нов договор на уште една година, но за помала плата од сегашната, откри шпанскиот весник „Марка“.
Модриќ се договорил со раководството на Реал Мадрид за продолжување на соработката до јуни 2022 година. Хрватот прифатил помала плата од сегашната и можеби ќе ја заврши кариерата во „кралскиот клуб“.
35-годишниот фудбалер од средниот ред игра одлично и оваа сезона, а следната година ќе заработува 9 милиони евра.
