Аргентинската суперѕвезда Лионел Меси сака да остане во Барселона и да го продолжи договорот со каталонскиот гигант за уште најмалку две сезони. Но, сепак, има проблеми затоа што неговата сопруга Антонела притиска за преселба во Париз, пишува францускиот весник „Паризиен“.
Меси има фантастична понуда од Пари Сен Жермен, а Антонела Рокуцо би сакала промена во животот. Здодеано и е во Барселона и сака во наредните две години да го испроба животот во Париз. Ова значително ги усложнува работите околу потпишувањето на новиот договор на Лео Меси со Барселона.
Актуелната соработка на Аргентинецот и Барселона завршува на крајот од сезоната, а Меси се уште нема донесено конечна одлука иако му дал ветување на претседателот Хоан Лапорта дека ќе остане на „Камп Ноу“.
