Аргентинскиот фудбалски ас Лионел Меси го доби признанието “Лауреус” за најдобар спортист во светот за 2022 година. Тој ја освои титулата светски првак со Аргентина на мундијалот во Катар и тоа беше пресудно за добивањето и на оваа награда.
Меси вторпат во кариерата добива “Лауреус”. Првиот пат ја подели наградата со Луис Хамилтон во 2020 година.
Аргентинецот е во фокусот на претстојниот преоден рок. Тој речиси сигурно ќе замине од ПСЖ, а се уште е неизвесно дали ќе се врати во Барселона или пак ќе ја прифати пребогатата понуда на Ал-Хилал од Саудиска Арабија.
