Мароко е првата супер сензација на Светското првенство во Катар. Ја спакува „црвената фурија“ по изведување пенали (3-0) и се пласира во четврт-финалето на Мундијалот, каде го чекаат подобриот од натпреварот меѓу Португалија и Швајцарија.
По регуларните 90 минути, а и по продолженијата немаше голови.
Шпанците беа очајни и при изведувањето пенали. Дури три удари од белата точка промашија, Сарабија го погоди дирекот, а Боно ги одбрани шутевите на Карлос Солер и на Серхио Бускетс.
Мароканците реализираа три пенали, преку Сабири, Зијеч и Хакими.
