Српскиот репрезентативец Душан Влаховиќ кој игра во неверојатна форма во дресот на Фиорентина е цел на многу европски клубови, а сега во трката сериозно се вклучува и Манчестер Јунајтед.
Договорот на Влаховиќ со Фиорентина истекува во јуни 2023 година, а бидејќи тој одби да потпише нов, можно е да го напушти клубот веќе во зимскиот преоден рок. Доколку тоа не се случи, тогаш речиси е сигурно дека ќе замине следното лето.
Манчестер Јунајтед е последен во низата великани кои се заинтересирани за него. Фиорентина за српскиот репрезентативец бара 80 милиони евра. Влаховиќ во Фиорентина е од 2018 година.
Претходно интерес за него покажаа и Јувентус, Арсенал, Манчестер Сити и Тотенхем. Италијанските медиуми пишуваат дека Фиорентина повеќе би сакала да го продаде Влаховиќ во странство отколку на ривалот Јувентус, кој претходно го „киднапираше“ и Федерико Киеза.
