Паоло Малдини јавно реагираше на средбата меѓу голманот Џанлуиџи Донарума и тифозите на Милан, најавувајќи дека сите преговори за продолжување на договорите се ставени во мирување до крајот на сезоната. Ултрасите на „росонерите“ вчера се сретнаа со Донарума, „наредувајќи“ му да не игра на големото и одлучувачко дерби за место во Лигата на шампионите против Јувентус, доколку не потпише нов договор.
„Морам да повторам дека дека никој надвор од клубот не може да одлучи кој ќе игра и кој ќе потпише нов договор. Тренерот одлучува за тоа кој ќе се појави на теренот, а клубот е задолжен за договорите”, изјави техничкиот директор на тимот од “Сан Сиро”, Паоло Малдини.
“Од овој момент, сите преговори за продолжување на тековините договори се во прекин до крајот на сезоната, со цел фудбалерите да можат да се фокусираат само на играта. Во меѓувреме, ние ќе продолжиме да ги штитиме нашите играчи како и досега.”
