Имаше кобна грешка на првиот натпревар меѓу Академија Пандев и Работнички, но тоа само уште повеќе го мотивираше да биде подобар на наредните натпревари. На новиот дуел против „романтичарите“, голманот Марко Јовановски беше фантастичен. Одбрани се што доаѓаше кон неговиот гол, вклучувајќи го и пеналот на Никола Прелчец на истекот од првото полувреме.
Тоа беше можеби и клучниот момент на мечот со „романтичарите“. Јовановски го спречи Работнички резултатски да се врати во игра, а во вториот дел Академија Пандев постигна втор гол со кој го реши мечот во своја корист.
Марко Јовановски го заслужи епитетот МАКФУДБАЛ – ИГРАЧ на 23.коло во Првата фудбалска лига.
