Фудбалерот на Брентфорд, Брајан Мбеумо, е на чекор до преселба во Манчестер Јунајтед, откако двата клуба постигнаа договор вреден 71 милион фунти.
„Црвените ѓаволи“ ќе платат 65 милиони фунти како основен надомест, а дополнителни 6 милиони ќе бидат исплатени преку бонуси.
Јунајтед има намера трансферот да биде официјализиран пред заминувањето на тимот на претсезонската турнеја во САД, која започнува во вторник, каде ги очекуваат три пријателски средби.
Францускиот напаѓач, кој има 25 години, имаше извонредна сезона зад себе, постигнувајќи 20 погодоци во Премиер – лигата.
