Младата фудбалска репрезентација на Македонија до 19 години успеа да оствари минимална победа со 2-1 над соодветната селекција на Црна Гора на вториот пријателски натпревар меѓу овие две селекции одигран на тренинг центарот „Петар Милошевски” во Скопје. Првиот меч Македонија го загуби со 1-5.
Нашите млади фудбалери по првиот дел имаа негатива од еден погодок, но по одличното второ полувреме и постигнатите два гола успеаја да слават победа против силниот противник.
Црна Гора прва поведе преку Заковиќ во 26. минута. Гаштаров во 73 минута постигна погодок за израмнување. Во 86 минута Македонија направи комплетен пресврт и со голот на Алмир Подграѓа славеше победа со 2-1.
