Лука Станковски промовиран во Горица (ФОТО)

Младинскиот репрезентативец Лука Станковски е нов фудбалер на словенечкиот прволигаш Горица. Тој во наредните шест месеци ќе игра во првенството на Словенија, откако неговиот клуб Газијантеп се откажа од учество до крајот на сезоната во Суперлигата на Турција.

По катастрофалниот земјотрес, градот Газијантеп е еден од најпогодените и нема услови за играње фудбал во овој момент.

Лука Станковски ќе го одигра вториот дел од сезоната во дресот на Горица, која се бори за опстанок во словенечката елита, а потоа ќе се врати во Газијантеп.