Младинскиот репрезентативец Лука Станковски, кој е член на турскиот Газијантеп, до крајот на сезоната ќе настапува за словенечкиот прволигаш Горица. Ова откако тимот на Газијантеп поради разорниот земјотрес во Турција кој можеби и најмногу го погоди овој град, одлучи да не ја доигра сезоната во турскиот шампионат.
Станковски имаше среќа во тие моменти да биде во Скопје откако доби два слободни дена од тренинзите, а сега ќе ја продолжи сезоната во дресот на словенечка Горица. Овој тим ќе се бори за опстанок во крајот на шампионатот во Словенија.
