Хрватската фудбалска легенда Лука Модриќ ја прифати понудата на Милан и од следната сезона ќе го носи дресот на „росонерите“, пренесува реномираниот италијански весник „Ла Република“.
Според истите извори, 39-годишниот плејмејкер се договорил за едногодишен договор, а остануваат уште неколку административни детали пред трансферот да биде официјално објавен.
Модриќ неодамна ја потврди својата заминување од Реал Мадрид, клубот каде што помина 12 сезони, освои пет титули од Лигата на шампионите и се запиша во историјата како еден од најдобрите играчи на „кралскиот клуб“. Реал му приреди емотивно збогување на „Сантијаго Бернабеу“ по завршувањето на Светското клупско првенство.
Новиот тренер на Милан, Масимилијано Алегри, инсистираше на ангажманот на Модриќ како приоритет во летниот преоден рок. И покрај поодминатите години, искусниот хрватски репрезентативец треба да биде клучна фигура во средниот ред, особено ако Тијани Рејндерс го напушти клубот во корист на Манчестер Сити.
Иако имаше понуди од Саудиска Арабија и САД, Модриќ решил да остане во Европа, со цел да ја одржи формата на највисоко ниво во пресрет на Светското првенство 2026, кое ќе се одржи во САД, Канада и Мексико.
Останува Милан и официјално да го потврди трансферот и да го претстави Модриќ како ново засилување пред навивачите на „Сан Сиро“.
