Македонскиот репрезентативец Илија Несторовски доби лоши вести по деталните лекарски прегледи. Тој ќе мора да замине на операција на лигаментите на коленото, а тоа значи и дека ќе го пропушти настапот на Македонија на Европското првенство.
Нестор-гол го повреди коленото на еден од тренинзите на Удинезе, лигаментите се сериозно оштетени и ќе мора да замине „под нож“. Операцијата најверојатно ќе биде извршена во Рим.
Несторовски беше стандарден првотимец во селекцијата на Игор Ангеловски и ќе биде тоа голем хендикеп за репрезентацијата на Македонија.
