Барселона успеа да го победи Леванте со 2-3 во фантастичен натпревар и се врати на второто место на табелата во Ла Лига. Лук де Јонг во судиското продолжение, со удар со глава го донесе триумфот на каталонскиот тим.
Енис Барди доби петнаесетина минути во финишот да заигра против Барселона, а Леванте на овој меч доби дури три пенали. Два ги реализираше, а еден одбрани Марк Андре Тер Штеген. Сите пет гола беа постигнати во второто полувреме.
Моралес во 52.минута постигна гол од пенал, а четири минути подоцна беше досуден уште еден, но Тер Штеген го одбрани ударот на Роџер. Обамејанг израмни на 1-1, а Педри се погрижи за пресврт.
Сепак, во 83.минута беше досуден и трет пенал за Леванте, го реализираше Мелеро за 2-2. Но, Лук де Јонг погоди во судиското продолжение за победа на Барселона.
