„Лесно е да си тренер на Миовски“

Македонскиот репрезентативец Бојан Миовски дојде до 15 голови во првенството на Шкотска, откако стрелаше за победа (1-0) на Абердин против Ливингстон.

Тој доби пофалби од тренерот Бери Робсон.

„Лесно е да си тренер на Бојан Миовски. Секогаш му велам иста работа, трчај брзо и давај голови… и тој го прави тоа. Го направи тоа и против Ливингстон, што е многу важно за нас. Миовски даде гол и ги исфрли од ритам гостите“, изјави Робсон.