Лајпциг е првиот финалист во Купот на Германија откако со 1-2 го совлада Вердер по продолженија на полуфиналната пресметка што се одигра во Бремен.
Интересно е дека немаше голови по регуларниот дел, а потоа дури три во дополнителните 2 х 15 минути. Хванг Хи-Чан во 93.минута донесе предност за Лајпциг, а израмни Леонардо Битенкорт во 105.минута. Триумфот на Лајпциг го донесе Емил Форсберг со голот во последната 120.минута.
Лајпциг во финалето на Купот на Германија го чека подобриот од вториот полуфинален дуел меѓу Борусија Дортмунд и Холштајн Кил.
