Тренерот на Лајпциг, Џеси Марш, и голманот и капитен на тимот, Петер Гулачи се позитивни на тестот за Ковид-19 и не отпатуваат со тимот за натпреварот против Клуб Бриж од Лигата на шампионите, соопшти клубот.
Отсуството на Гулачи се надоврзува на тоа на напаѓачот Јусуф Поулсен и шпанскиот репрезентативец Дани Олмо, кои имаат повреди и нема да се вратат на теренот пред јануари.
Интересно е дека целиот тим и стручниот штаб на Лајпциг се вакцинирани или веќе го имаат прележано коронавирусот.
„Џеси Марш веднаш е изолиран, а Гулачи на брз тест има позитивен резултат, но се уште чека резултатот од ПЦР – тест. Нашиот капитен ќе остане во Лајпциг“, уверуваат од клубот.
Со тимот нема да патува ниту помошниот тренер Марко Курт.
