Барселона е блиску до постигнување договор за нова соработка со Жул Кунде по неколкунеделни интензивни преговори. Продолжувањето на договорот со францускиот дефанзивец беше еден од приоритетите на клубот, особено поради интересот кој го покажаа премиерлигашки клубови.
Челси го следи Кунде уште од неговиот период во Севилја, а истото важи и за Арсенал. Во меѓувреме, интерес за него изрази и Манчестер Сити.
Раководството на Барселона целеше преговорите да ги заврши пред почетокот на новата сезона. Според информациите, договорот е постигнат – актуелниот, кој важи до 2027 година, ќе биде продолжен до 2030 година, а Кунде ќе добие и зголемена плата.
Официјалното потпишување се очекува следната недела, по враќањето на тимот од турнејата во Јужна Кореја.
