Фудбалерот на Наполи, Матео Политано, е во изолација откако добил позитивен тест на Ковид-19 на рутинското тестирање во пресрет на натпреварите од Серија А. Тој веднаш е префрлен во изолација и нема да му биде на располагање на тренерот Лучијано Спалети за утрешното дерби против Интер на „Џузепе Меаца“.
Политано има добиено две вакцини и засега нема симптоми на коронавирусот меѓутоа сепак ќе мора наредните десетина дена да ги мине во изолација.
Ова отвора можност Елиф Елмас да биде стартер во тимот на Наполи на утрешното гостување во Милано.
