Германскиот репрезентативец Џошуа Кимих е најновиот фудбалер на Баерн Минхен кој е позитивен на Ковид-19. Тој е меѓу тројцата невакцинирани во тимот, а претходно вирусот го „закачи“ и Ерик Максим Чупо Мотинг.
Очигледно дека коронавирусот во Баерн Минхен навлезе длабоко, а посебно настрадаа оние кои одбија да се вакцинираат. Претходно, невакцинираните фудбалери не смееја да се возат со клупскиот автобус и да престојуваат во хотел со останатите од тимот.
Џошуа Кимих е еден од главните антиваксери во германскиот и во европскиот фудбал воопшто. Тој пред еден месец изјави дека нема да дозволи да биде внесена во неговото тело супстанца која се уште не е доволно испитана.
