Манчестер Јунајтед го победи Вилјареал со 0-2 во петтото коло од Лигата на шампионите благодарение на головите на Кристијано Роналдо и на Џејдон Санчо.
„Ѓаволите“ од клупата ги предводеше Мајкл Карик, кој по заминувањето на Солскјер е в.д. тренер додека не се најде трајно решение.
Поранешната играчка ѕвезда на Јунајтед по натпреварот беше задоволен од епилогот.
„Дојдовме овде за да победиме. Верував дека ќе победиме, бевме подготвени за тоа вечерва. Тие се добар тим и те тераат да работиш на теренот. Момците мораа да покажат по малку од сè. Фред заврши фантастична работа, а кога Роналдо ќе добие можност, тогаш шансата ја претвора во уште еден гол на списокот”, рече Карик.
На крајот триумфот му го посвети на Оле Гунар Солскјер, кој доби отказ.
„Ова е одлична ноќ за играчите и за клубот. Победата му ја посветувам на Оле“, заврши Карик.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski