Суперталентираниот фудбалер на Барселона, Педри, дојде во овој клуб од Лас Палмас во 2019 година. Но, сè можеше да заврши сосема поинаку.
Имено, таа година директорот на Лас Палмас, Роко Мајорино го понудил Педри на Милан и на Интер за само 4 милиони евра.
Сепак, раководството на „росонерите“ се заблагодарило за понудата, додека Интер размислувал за такво решение, но не доволно брзо.
Барселона ја искористи шансата и ја зграпчи, а сега е јасно дека го доби еден од најголемите таленти во Европа.
Педри има само 19 години, а неговата моментна цена е дури 80 милиони евра.
