Во Грузија исто така фудбалска еуфорија. Репрезентативците на Владимир Вајс се „напалени“ за триумф, велат дека им претстои мечот на кариерите, а дефанзивецот Отар Какабадзе, член на шпанскиот Тенерифе, вели дека одбраната ќе го сопре Горан Пандев, најдобриот македонски фудбалер, а со тоа ќе биде завршен најголем дел од работата.
„Подготвени сме максимално. Ова е меч на нашите кариери, Свесни сме за тоа. Дојдовме толку блиску до пласман на Европско првенство. Утре е битката што треба да ја добиеме. Ќе ја немаме поддршката од гледачите на стадионот, за жал, но, веќе ја чувствуваме на секој чекор. Сакаме да ја израдуваме Грузија. Одбраната е подготвена, знаеме дека најголемата опасност доаѓа од Горан Пандев, кој е исклучително квалитетен фудбалер. Но, ќе го сопреме и ќе ја неурализираме Македонија. Верувам дека на крајот од битката ќе славиме пласман на Европско првенство“, вели дефанзивецот на грузискиот национален тим.
