Јувентус синоќа доживеа дебакл на „Стемфорд бриџ“ и за раководството на клубот тоа е силен сигнал дека тимот не е конкурентен на дуелите со најсилните европски клубови. Затоа се планираат неколку засилувања веќе во јануари. Првата цел е јасна, Душан Влаховиќ, напаѓачот на Фиорентина.
Јувентус на Фиорентина и понуди 50 милиони евра, но „вилетовите“ бараат уште 20 милиони. Клубот од Торино има жестока конкуренција во трката за Србинот, но најважно е што Влаховиќ сака да дојде во Јувентус.
Њукасл и Тотенхем не би имале проблем да платат 70 милиони евра отштета, но српскиот голгетер преферира да остане во Италија.
