Италијанскиот калчолигаш Јувентус сака во своите редови да го доведе младиот аргентински напаѓач Хулијан Алварез (21). Талентираниот офанзивен фудбалер оваа сезона блеска во дресот на аргентинскиот гигант Ривер Плата и привлече големо внимание со своите игри.
За неговите услуги се распрашуваат неколку европски клубови, а првиот чекор кон неговото доведување го направи Јувентус. Според „ЕСПН“, „старата дама“ испратила понуда до Ривер од 25 милиони евра кои би ги платиле на две рати.
Сепак, оваа понуда е одбиена. Ривер Плата бара 20 милиони евра веднаш со дополнителни бонуси кои би го зголемиле трансферот на 25 милиони евра.
