Артур Мело дојде во Јувентус како „скапо платено засилување“, но таа сума од 70 милиони евра беше можност да се „испеглаат“ сметките околу финансискиот фер-плеј. Бразилецот пристигна во јуни 2020 година, а во спротивна насока тргна Миралем Пјаниќ за 10 милиони помалку. Година и пол подоцна Пјаниќ не е во Барса, а Артур по се изгледа ќе заврши на списокот за продажба во Јуве.
За Бразилецот се заинтересирани неколку англиски и шпански клубови, но тој би заминал на позајмица од 18 месеци, со откупна опција која би станала задолжителна откако ќе се исполнат одредени услови.
„Старата дама“ промаши со Артур, исто како што промаши Барселона со Миралем Пјаниќ. Ниту еден од нив не играше, а интересно е што навивачите на Барса беа огорчени, мислејќи дека Јувентус поминал многу подобро.
Сепак, Бразилецот има големи проблеми со повредите, беше невидлив на теренот, имаше проблеми надвор од теренот поради недисциплина и непрофесионално однесување. Згора на се, Фудбалската федерација на Италија пред неколку дена утврди дека размената Артур – Пјаниќ била незаконска и во најмала рака сомнителна, па не е исклучено да биде покрената и истрага.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski