Актуелниот италијански фудбалски шампион Јувентус покажува интерес за голманот на Милан, Џанлуиџи Донарума, објави „Газета дело спорт“. Агентот Мино Раиола го посети Торино и имаше состанок со спортскиот директор на „бјанконерите“, Фабио Паратичи, а главна тема е ситуацијата со Донарума во Милан.
„Росонерите“ и голманот сè уште не можат да се договорат за продолжување на договорот. Клубот му нуди на италијанскиот репрезентативец плата од 8 милиони евра годишно, но агентот на Донарума бара дури 12 милиони евра.
Јувентус тука ја гледа шансата да преземе акција и да го доведе одличниот голман во Торино.
