Македонскиот репрезентативец Јани Атанасов беше стрелец на еден гол во триумфот (5-1) на Хајдук Сплит против Славен Белупо. Тој доби дваесетина минути на овој меч, но и тоа беше доволно за да се запише во листата на стрелците.
Гостите поведоа со голот на Арбер Хоџа на крајот на првиот дел, но Хајдук Сплит одигра феноменално во второто полувреме. Млакар и Чолина се погрижија за пресврт, Јани Атанасов зголми на 3-1 во 77.минута, а до крајот и Никола Калиниќ постигна два гола.
