Младата ѕвезда на Барселона, Ламин Јамал, призна дека по освојувањето на европската титула со Шпанија минатото лето, неговиот живот значително се променил и не му е лесно да се носи со огромната популарност што го снајде.
„Сè е поинаку. Каде и да одам, луѓето ме препознаваат. Претходно можев слободно да патувам со авион, но сега е тешко да останам незабележан на кој било аеродром. Славата има добри, но и лоши страни. Веќе немам нормален живот. Не можам да прошетам со брат ми или да излезам некаде со мајка ми“, изјави 17-годишниот напаѓач во интервју за официјалниот сајт на УЕФА.
„Го сакам крајот во кој пораснав. Таму има луѓе од различни култури и сите сме како браќа. Тоа е местото каде што можам да се одморам без никој да ме вознемирува“, сподели Јамал.
