Фенербахче официјално го ангажираше колумбискиот напаѓач Џон Дуран. Фудбалерот пристигнува во истанбулскиот гигант на едногодишна позајмица од саудискиот Ал-Наср.
Турците ќе ја покријат целата годишна плата на Дуран за периодот од 12 месеци. Колумбиецот, кој во Ал-Наср мина само половина сезона, беше силно посакуван од тренерот на Фенербахче, Жозе Мурињо.
Ал-Наср го доведе Дуран од Астон Вила во јануари оваа година за сума од 80 милиони евра.
Според повеќе извори, Фенербахче ќе плати околу 16 милиони евра за позајмицата, а со вклучени бонуси, вкупната сума може да ја надмине границата од 20 милиони евра.
